Eik suhani shaam thi shayad
Payal ki jhankar ko lekar
Wo merey kamrey mein ayi
Maiz pe rakhi taash ki dibya
Khol k us ne sarey pattey
Shokh se ik andaaz mein aakar
Meri jaanib phenk diye they

Mein ankho mein herani
Apni goud or chari jaanib
Bikhrey pattey dekh raha tha
Eent ki atthi , chirya ki satti
Paan ki dasti , hukm ka choka
Sab k sab hairat mein doobey
Us ka chehra dekh rahey they

Adhi raat k sannatey mein
Us ki hassi se mein jab chonka
Us k hath mein do pattey they
Hastey hasstey , ukhri c awaz mein
mujh se boli!

“Chahey rang ho, ya bhabhi ho
Mang pata ya khel ho dill ka
Merey hisab mein Zain pia jee!
Bilkul aisey joker ho tum
Jaisey mere hath mein dono
Sarey paton k sang rah kar
har ik khel shuru hotey hain
Tum mehroom hi reh jaatey ho

Phir us ne wo dono joker
Baari baar phenk diye they
Aur kamrey se rukhsat ho kar
Janey kon se dais basi wo
Aur ab muddat beet chuki hai

Aj usi kamrey mein aa kar
Wohi kahani soch raha hoon
Palang pe bikhrey tash k pattey
Hath mein dono joker le kar
Ghanton betha dekh raha hoon
Shayad wo bhi kisi ghari mein
Merey baarey soch rahi ho
Jaisey koi hukm ki begum
Paan ka raja khoj rahi ho

Zain Shakeel

LEAVE A REPLY

Please enter your comment!
Please enter your name here