Tumhary shehr ka mosam bara suhana lagy
Main aik sham chura lu agr bura na lagy

Tmhary bass main agr ho tou bhool jao mujhy
Tmhain bhulany main shayd mjhy zamana lagy

Jo doobna hai tou itny sakoon sy doobo
K aas paas ki lehro ko bhi pta na lagy

Wo phool jo mery daman sy hogaye mansoob
Khuda kary inhain bazar ki hawa na lagy

Na jany kya hai kisi ki udaas ankhon main
Wo muu chupa k bhi guzry tou bewafa na lgy

Tu is trha sy mery sath be wafae kr
K tery baad mjhy koi bewafa na lagy

Tum ankh moond k pee jao zindagi Qaiser
K aik ghoont main mumkin hai bdmaza na lagy

Qaiser Jafri

LEAVE A REPLY

Please enter your comment!
Please enter your name here