Tumhy khabar he nahi kese sir bachaya hai
Azaab jaan py saha hai tou ghar bachaya hai

Tamam umr taaluq sy munharif bhi rahy
Tamam umr isi ko magar bachaya hai

Badan ko barf bnati huwi fiza main bhi
Ye muajza hai k dast e hunar bachaya hai

Sahar huwi tou mery ghr ko raakh krta tha
Wo ek charagh jisy raat bhar bachaya hai

Kuch aisi soorat e halaat hogae dil ki
Junoon ko tark kiya or darr bachaya hai

Yakeen e shehr e hunar ny yakeen mosam main
Bht kathan tha bachana magr bachaya hai

Noshi Gilani

LEAVE A REPLY

Please enter your comment!
Please enter your name here