Tu koi khwab nahi jis sy kinara kr lain
Kyu na pehly sy taaluq py guzara kr lain

Aisi wehshat hai ky kamry main parhy sochty hain
Kholain khirki koi manzar he gawara kr lain

Hasil e wasl e dil kash hai miyan khwahish e wasl
Hijr darpaish jo hai, is py guzara kr lain

Hum ny takheer sy seekhy hain muhabbat k asool
Hum py lazim hai tera ishq dubara kr lain

Ye bhi mumkin hai tujhy dil sy bhula dain hum log
Ye bhi mumkin hai tujhy jaan sy pyara kr lain

Rana Amir Liaqat

LEAVE A REPLY

Please enter your comment!
Please enter your name here