Main sahoon karb e zindagi kab tak | Complete Ghazal

0
61
main sahoon karb e zindagi kab tak

Main Sahoon karb e zindagi kab tak

Main sahoon karb e zindagi kab tak
Rahey akhir teri kami kab tak

Kia mein aangan mein chor doon sona
Jee jalaye gi chandni kab tak

Ab faqat yaad reh gayi hai teri
Ab faqat teri yaad bhi kab tak

Mein bhala apney hosh mein kab tha
Mujh ko duniya pukaarti kab tak

Khaima gah e shumaal mein akhir
Uss ki khushboo rachi basi kab tak

Ab to bas ap se gila hai yahi
Yaad ayein gi ap hi kab tak

Marney walo zara batao to
Rahey gi ye chala chali kab tak

Jis ki tuti thi saans akhir e shab
Dafn wo arzoo hui kab tak

Dozakh e zaat ba wajood tere
Shab e furqate nahi jali kab tak

Apney chorey huey muhallon par
Raha doran e jaan kuni kab tak

Nahi maloom merey aney par
Us k koochey mein loo chali kab tak

Jaun Elia

jaun elia

 

 

LEAVE A REPLY

Please enter your comment!
Please enter your name here