Lehraye sada ankh main pyary tera anchal
Jhoomar hai tera chand sitary tera anchal

Ab tak meri yadon main hai rango ka talatm
Daikha tha kbhi jheel kinary tera anchal

Lipty kbhi shano sy kbhi zulf sy uljhy
Kyu dhoondta rehta hai sahary tera anchal

Mehki trri khushbu sy dehakti huwi sansain
Jab taiz hawa khud sy utary tera anchal

Anchdl main rachy rang nikhary teri zulfain
Uljhi huwi zulfo ko sanwary tera anchal

Is wqt hai titli kj tarha dosh e hawa pr
Is wqt kahan bas main hamary tera anchal

Kajal tera beh beh k rulaye mjhy ab bhi
Reh reh ky mjhy ab bhi pukary tera anchal

Mohsin naqvi

LEAVE A REPLY

Please enter your comment!
Please enter your name here