Hum tera hijr mananey k liye nikley hain | Ghazal

0
89
hum tera hijr mananey k liye nikley hain

Hum tera hijr mananey k liye nikley hain

Hum tera hijr mananey k liye nikley hain
Shehar mein aag laganey k liye nikley hain

Shehar koochon mein karo hashr bapaa aj k hum
Us k waadon ko bhulaney k liye nikley hain

Hum se jo rooth gaya hai wo bohot hai masoom
Hum to oroon ko mananey k liye nikley hain

Shehar mein shor hai wo yoon k gumaan k safri
Apney hi aap mein aney k liye nikley hain

Wo jo they shahar e tahayyur tere pur fun muam’mar
Wahi pur fan tujhe dhaaney k liye nikley hain

Rah guzar mein teri qaleen bichaney waley
Khoon ka farsh bichaney k liye nikley hain

Hamein karna hai khuda wand ki imdaad so hum
Deer o kabaa ko larana k liye nikley hain

Sar e shab ik nai tamseel bapa honi hai
Aur hum parda uthaney k liye nikley hain

Hamein sairaab nayi nasl ko karna hai so hum
Khoon mein apney nahaney k liye nikley hain

Hum kahin k bhi nahi par ye hai roodad apni
Hum kahin se bhi na janey k liye nikley hain

Read Dill ki takleef kam nahi kartey

LEAVE A REPLY

Please enter your comment!
Please enter your name here