DILL KO IK BAAT KEH SUNANI HAI

Dill ko ik baat keh sunani hai
Sari duniya faqat kahani hai

Tu meri jaan dastaan tha kabhi
Ab tera naam dastani hai

Seh chukey zakhm e iltifaat tera
Ab teri yaad azmani hai

Ik taraf dill hai , ik taraf duniya
Ye kahani bohot purani hai

Tha sawaal un ki udaas ankhon ka
Zindagi kia nahi ganwani hai

Kia bataon mein apney paass e anaa
Mein ne hans hans k haar mani hai

Hawas angaiz hai badan mera
Haye meri hawas k faani hai

JAUN ELIA

LEAVE A REPLY

Please enter your comment!
Please enter your name here