Hans k bola kro bhulaya kro
Aap ka ghr hai aya jaya kro

Muskurahat hai husn ka zewar
Roop barhta hai muskuraya kro

Hadd sy barh kr haseen lgty ho
Jhooti kasmain zarur khaya kro

Hukm krna bhi ik sakhawat hai
Hum ko khidmat koi bataya kro

Baat krna bhi badshahat hai
Baat krna na bhool jaya kro

Ta k dunia ki dilkashi na ghaty
Nit naye perahen main aya kro

Kitny sada mizaj ho tum ADAM
us gali main bht na jaya kro

Abdul Hameed Adam

LEAVE A REPLY

Please enter your comment!
Please enter your name here