Ab key hum bichrey to shayad kabhi khawabon mein milein
Jis tarhan sookhey huey phool kitabon mein milein

Dhoond ujrey huey logon mein wafa k moti
Ye khazaney tujhe mumkin hai kharabon mein milein

Tu khuda hai na mera ishq farishton jaisa
Dono insaan hain to kun itney hijabon mein milein

Gham e duniya bhi gham e yaar mein shamil kar lo
Nasha barhta hai sharabein jo sharabon mein milein

Aj hum daar pey khainchey gaye jin baton par
Kia ajab kal wo zamaney ko nisabon mein milein

Ab na wo mein hoon na tu hai na wo manzil hai Faraz
Jaisey do shakhs tamanna k sarabon mein milein

AHMED FARAZ

LEAVE A REPLY

Please enter your comment!
Please enter your name here