Ah ko chaahiye ik umr asar honey tak
Kon jeeta hai teri zulf k sar honey tak

Hum ne manaa k taghaful na karo gey lekin
Khaak ho jain gey hum tum ko khabar honey tak

Parto hoor se , hai shabnam ko fanaa ki taleem
Mein bhi hoon eik inayat ki nazar honey tak

Ashiqi sabr talab aur tamana betaab
Dill ka kia rang karoon khoon e jigar honey tak

Yakk nazar pesh nahi fursat e hasti ghafil
Garmi e bazm hai ik raqs e sharar honey tak

Gham e hasti ka ASAD kis se ho juzz marg ilaaj
Shamaa har rung mein jalti hai sahar honey tak

Mirza Ghalib

LEAVE A REPLY

Please enter your comment!
Please enter your name here