Sun lia hum ne faisla tera
Aur sun kar, Udaas ho bethey
Zehan chup chaap ankh khali hai
Jaise hum kainaat kho bethey

Dhundley dhundley se manzaron mein magar
Cherti hain tajallian………………. teri
Bhooli basri hui rutoon se udher
Yaad………. ayein……… tasallian teri

Dill ye kehta hai zabt lazim hai
Hijr key din ki dhoop dhalney tak
Aiteraaf e shikast kia karna!
Faisley ki ghari badalney tak

Dill ye kehta hai …..hosla rakha
Sang,rastey se hatt bhi saktey hain
Iss se pehley k ankh bujh jaye
Janey waley palat bhi sakty hain!!

Ab charaghaan karein hum ashkon se
Ya manazir bujhey bujhey….dekhain?
Eik taraf tu hai,eik taraf dill hai
Dill ki manein …..k ab tujhey dekhain?

Khud se kashmakash si jari hai
Raah mein tera ghum bhi hayal hai
Chaak dar chaak hai qaba e hawas!
Be rafoo soch,rooh ghayal hai

Tujh ko paya to chaak see lain gey
Ghum bhi amrat samajh k pee lain gey!
Warna yun hai k daman e dill mein!
Chand sansein hai,ginn k jee lain ge

MOHSIN NAQVI

LEAVE A REPLY

Please enter your comment!
Please enter your name here